SIMULA na ang 2-day Basic Life Support (BLS) training ng Provincial Health Office (PHO) ng mga kawani ng Oriental Mindoro Provincial Hospital (OMPH) noong Agosto 27.

Tugon ito sa atas ni Gov. Bonz Dolor na higit pang pagbutihin na maiangat ang kakayahan ng mga kawani ng naturang ospital.

Pinangungunahan ang gawain ng Provincial Health Office (PHO) na pinangungunahan ni PHO II at OMPH Officer-in-charge Dr. Cielo Angela Ante.

Sa pamamagitan ng BLS Training, inaasahang magkakaroon ang OMPH healthcare frontliners ng sapat na kasanayan sa cardiopulmonary resuscitation (CPR), paggamit ng automated external defibrillator (AED) at iba pang life-saving techniques na kritikal sa pagtugon sa mga biglaang insidente gaya ng cardiac arrest, choking, at iba pang emergency.

Samantala, nagsilbing resource speakers sina Hubert Ban Castillo, Crizales Diasnes, Jericho Arago, Dr. Nerelyn Marciano, Maria Annjanette Añonuevo, Carl Martin Roxas, Queterio Aveno at Paul Leynes na kapwa mga mahuhusay na tagapagsanay sa larangan ng BLS.