ARESTADO ang isang pasaherong patungong Siargao matapos mahulihan ng P408,000 halaga ng ilegal na droga sa isinagawang random paneling inspection bandang alas-10 ng umaga nitong Miyerkules, Agosto 27 sa Philippine Ports Authority sa Poblacion, Dapa, Surigao del Norte.

Kinilala ang suspek bilang si alyas “Nel,” 37-anyos, residente ng Barangay Espina, Surigao City, Surigao del Norte, na agad isinailalim sa kustodiya ng pulisya.

Nasamsam mula sa kanya ang 60 gramo ng hinihinalang shabu at 1.6 gramo ng hinihinalang marijuana, P41,500 na cash, at iba’t ibang drug paraphernalia.

Kasalukuyang inihahanda ang kasong paglabag sa Republic Act 9165 o Comprehensive Dangerous Drugs Act of 2002 laban sa suspek.

Ang operasyon ay magkasanib na isinagawa ng mga tauhan ng Dapa Municipal Police Station, Philippine Drug Enforcement Agency Regional Office 13, at Philippine Coast Guard.

“We will sustain the momentum of our anti-illegal drug campaign, striking harder and faster against those who persist in destroying lives and communities,” ani PBGen Marcial Mariano P. Magistrado IV, Regional Director ng Police Regional Office 13.

STORY FROM THIS LINK: https://www.facebook.com/share/p/1BtMkEyKum/