ISANG PATAY na sanggol na lalaki noong Miyerkules ang natagpuan na nakalutang sa isang sapa sa Bgy. Ligas, Malolos City, Bulacan.

Ang namatay na sanggol ay ini-report sa Malolos City police ng barangay tanod na si Irene Cabique Alejandre, 29.

Agad nagpadala sa lugar ng mga miyembro ng Malolos City police at iniahon mula sa tubig ang isang lalaking sanggol na may nakakabit pang inunan at pusod sa katawan nito.

Nakikipag-ugnayan na ang pulisya sa lokal na DSWD at barangay para sa pagsasagawa ng record check sa posibleng pagkakakilanlan ng ina ng sanggol.