NASABAT ng Bureau of Customs (BOC) katuwang ang Philippine Drug Enforcement Agency (PDEA) ang 743 na gramo ng pinaghihinalaang raw ecstasy na may halagang P3,157,750 sa Central Mail Exchange Center (CMEC) noong Biyernes.

Inaresto ang isang claimant matapos itong magtungo sa EMS window upang kunin ang naturang parsela.

Ang parsela, na dumating mula Canada noong 15 Setyembre, ay idineklarang naglalaman ng mga bag at backpack, damit pambata, tsokolate at kendi, laruan ng mga bata, supplements at iba’t ibang uri ng tsinelas at sapatos.

Sa pagsusuri ng mga tauhan ng Customs, natuklasan ang nakatagong iligal na droga sa loob ng shipment.

Patuloy ang imbestigasyon at karagdagang detalye ay ilalabas sa mga susunod na araw.