PASAY CITY, Philippines–Nakumpiska ng mga ahente ng NBI-Intellectual Property Rights Division (NBI-IPRD) ang mahigit P38 milyong halaga ng mga pekeng sapatos sa Pasay.

Sa bisa ng search warrant, nakumpiska ng mga ahente ng NBI ang 5,611 na pares ng pekeng Nike.

Nahaharap sa kasong paglabag sa RA 8293 (Intellectual Property Code of the Philippines) ang mga sangkot sa pagbebenta at distribusyon ng pekeng produkto.

Pinaalalahanan ni NBI Director Atty. Melvin Matibag ang publiko na iwasan ang pagtangkilik sa mga pekeng produkto upang maprotektahan ang intellectual property rights ng mga pribadong kompanya.