KAMPO HENERAL MALVAR—Tinutukan ng Batangas Police Provincial Office (BPPO) ang kampanya laban sa kriminalidad sa ginanap na pulong ng oversight committee noong Biyernes.

Pinangunahan ni PCol. Oliver Ebora, BPPO director, ang pagtitipon sa command group, provincial staff, mga hepe ng pulisya, force commanders at provincial support units.

Binantayan ang mga estadistika at operasyon base sa Eight Focus Crimes.

Ito ay balik-tanaw sa pagpapatupad ng search warrants, pagtugis sa mga wanted persons at mga hakbang sa Enhanced Managing Police Operations (EMPO).

Layunin ng pulong na busisiin ang mga nagawang operasyon at patatagin ang koordinasyon ng iba’t-ibang police units.