SUSPENDIDO ng 30 araw ang operasyon ang isang bus ng Solid North sa rutang Cabanatuan-Baguio matapos itong masangkot sa aksidente sa Nueva Ecija kung saan dalawa ang nasawi.

Sa show cause order ng Land Transportation Franchising and Regulatory Board (LTFRB), inatasan ang bus firm na isalang sa road worthiness check ang mga bus nito at isailalim sa road safety seminar at mandatory drug testing ang mga drivers.

Nangyari ang aksidente noong Aug. 13 sa Santa Rosa, Nueva Ecija.

Sinuspinde rin ng Land Transportation Office ang lisensiya ng driver ng nasabing bus ng 3 buwan at inatasang humarap sa tanggapan ng LTO sa Quezon City para magpaliwanag.