AGAW-buhay at sugatan ang isang lalaki na natagpuan sa gilid ng gutter noong Sabado sa Casa Isabel Subdivision, Brgy. Calamba City, Laguna pero namatay din pagdating sa ospital.

Ayon sa pulisya, hindi pa nakikilala ang lalaki na tuluyang nalagutan ng hininga sa J.P. Memorial Hospital dahil sa mga sugat sa katawan.

Nadiskubre ang halos hindi na gumagalaw na biktima ni Roderick Rey dakong alas-4:10 ng umaga, ayon sa report.

Ipinagbigay alam ng nakakita sa biktima sa mga pulis at isinugod sa ospital subalit idineklarang dead-on-arrival ni Dr. Theo Diokno.