IBINALITA ng Philippine Atmospheric, Geophysical and Astronomical Services Administration (Pagasa) na isa nang ganap na bagyo ang binabantayang low pressure area (LPA) sa Philippine Area of Responsibility (PAR).

Ayon sa Pagasa, alas-2:00 ng umaga noong Lunes nakapasok sa PAR ang bagyong pinangalanang Huaning.

Sa kanilang monitoring, nasa east-northeast ng Itbayat, Batanes ang bagyo na may taglay na lakas ng hangin ng 45 kilometers per hour (kph) at pagbugso na 55 kph.

Bukod kay Huaning, may isa pang bagong LPA ang binabantayan ng Pagasa sa labas ng PAR.