NATIMBOG ng mga ahente ng National Bureau of Investigation-Human Trafficking Division (NBI-HTRAD) ang babae dahil sa estafa noong Oktubre.

Ayon kay NBI Director Jaime Santiago, bumibiktima ng mga Overseas Filipino Workers (OFWs) ang suspek na si alyas Jocelyn.

Ayon sa impormasyon, ilang nagrereklamo ang naengganyo ng mga suspek na kumuha ng certificate of indigency na inisyu umano sa Quezon City.

Ibinunyag ng mga nagrereklamo na hinihingi ng mga suspek ng P1,000 mula sa P5,000 DSWD cash assistance at 15 porsyento ng DMW assistance na P50,000 kapalit ng certificate of indigency.

Pawang peke ang mga dokumento na ibinibigay ng mga suspek, ayon sa report.