THE BUNKER, Bataan– Sinigurado noong Biyernes ni Department of Budget and Management secretary Amenah Pangandaman sa mga local officials dito na kukumpletohin niya ang pondo para sa infrastructure projects na nasa ilalim ng master plan sa lalawigan.

SA kanyang talumpati sa launching ng construction ng Public Park of Bataan sa loob ng provincial capitol, pinuri din ni Sec. Pangandaman ang aniya economic progress ng Bataan.

Sinabi niya na masaya siyang nakikita ang infrastructure projects sa Bataan na properly implemented at ito aniya ay bilang bahagi sa programa ni Pres. Bongbong Marcos na “build more infrastructure facilities in the country.”

Pinapurihan din ni Pangandaman ang mga Bataan officials na pinangungunahan ni governor Joet S Garcia, kasama sina Partylist congressman Jett Nisay at Congresswoman Gila Garcia, mga mayor at bokal dahil sa economic progress ng lalawigan.

Binigyang-diin din Pangandaman ang “Green, green, green” program ng national government na inilunsad mahigit dalawang taon na nakakaraan.

Sa kanyang panig, sinabi naman ni Gov Garcia kay Pangandaman na balak pa nilang magtayo ng isa pang “The Bunker” capitol building dahil sa successful construction nitong 7-storey provincial capitol building, na tinawag na “The Bunker,” na naipatayo sa pamamagitan Public, Private Partnership at walang ginastos dito ang lalawigan.

“We are planning to build another building like this one to house the Department of Justice and others to provide better services to the public,” dagdag pa ni Garcia.

“Tatapusin natin ang boung master plan ng Bataan,” dagdag pa ni Pangandaman na labis na ikinatuwa ng mga Bataeños.