𝗞𝗔𝗛𝗔𝗟𝗜𝗡𝗧𝗨𝗟𝗔𝗗 𝗻𝗴 𝗕𝗮𝗴𝗼𝗻𝗴 𝗣𝗶𝗹𝗶𝗽𝗶𝗻𝗮𝘀 𝗦𝗲𝗿𝗯𝗶𝘀𝘆𝗼 𝗙𝗮𝗶𝗿 (𝗕𝗣𝗦𝗙) 𝗻𝗮 𝗶𝗻𝗶𝗹𝘂𝗹𝘂𝗻𝘀𝗮𝗱 𝗻𝗶 𝗛𝗼𝘂𝘀𝗲 𝗦𝗽𝗲𝗮𝗸𝗲𝗿 𝗙𝗲𝗿𝗱𝗶𝗻𝗮𝗻𝗱 𝗠𝗮𝗿𝘁𝗶𝗻 𝗚𝗼𝗺𝗲𝘇 𝗥𝗼𝗺𝘂𝗮𝗹𝗱𝗲𝘇, n𝗮𝗴𝘀𝗮𝗴𝗮𝘄𝗮 𝗱𝗶𝗻 𝘀𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗠𝗮𝗷𝗼𝗿𝗶𝘁𝘆 𝗟𝗲𝗮𝗱𝗲𝗿 𝗮𝘁 𝗜𝘀𝗮𝗯𝗲𝗹𝗮 𝟲𝘁𝗵 𝗗𝗶𝘀𝘁. 𝗥𝗲𝗽. 𝗙𝗮𝘂𝘀𝘁𝗶𝗻𝗼 “𝗜𝗻𝗻𝗼” 𝗔. 𝗗𝘆 𝗩 𝗻𝗴 𝗸𝗮𝗻𝗶𝗹𝗮𝗻𝗴 “𝗦𝗲𝗿𝗯𝗶𝘀𝘆𝗼𝗻𝗴 𝗦𝗶𝗴𝘂𝗿𝗮𝗱𝗼” 𝗽𝗿𝗼𝗴𝗿𝗮𝗺 𝗽𝗮𝗿𝗮 𝗺𝗮𝘁𝘂𝗹𝘂𝗻𝗴𝗮𝗻 𝗮𝗻𝗴 𝗹𝗶𝗯𝗼-𝗹𝗶𝗯𝗼𝗻𝗴 𝗺𝗮𝗵𝗶𝗵𝗶𝗿𝗮𝗽 𝗻𝗮 𝗿𝗲𝘀𝗶𝗱𝗲𝗻𝘁𝗲 𝘀𝗮 𝗸𝗮𝗻𝗶𝗹𝗮𝗻𝗴 𝗹𝗮𝗹𝗮𝘄𝗶𝗴𝗮𝗻.

Pinangunahan ng House Deputy Majority Leader ang pamimigay nito ng ayuda para sa kaniyang mga kapos-palad na kababayan sa pamamagitan ng AKAP Payout na isinagawa sa bayan ng Echague, Isabela.

Sabi ni Dy na libo-libong mahihirap na mamamayan o mga benepisyaryo ng nasabing lugar ang nabahaginan nila ng tulong dahil sa suportang ibinigay din ng Department of Social Welfare and Development (DSWD) kaya naging matagumpay ang inilunsad nilang programa sa pamamagitan ng SWAD-Team Isabela.

Pinasalamatan din ng Isabela congressman sina Speaker Martin Romualdez at President Ferdinand “Bongbong” R. Marcos, Jr. dahil sa walang sawang suporta na ibinibigay nila para maisakatuparan ang kanilang Serbisyong Sigurado program na naglalayong maiangat mula sa kahirapan ang kaniyang mga kababayan.

“Maraming salamat po kay Pangulong Bongbong Marcos at kay Speaker Martin Romualdez dahil sa inyong patuloy na suporta at pagtulong sa mga Isabeleño. Napakalaking tulong po ang inyong nagagawa para maiangat ang pamumuhay ng aming mga kababayan,” wika ni Dy bilang pasasalamat kina Pangulong Marcos, Jr. at Speaker Martin Romualdez.