ISANG empleyado ng Malacañang ang nasawi matapos na mahulog mula sa ika-apat na palapag ng Mabini Hall.

Kinilala ni Press Secretary Trixie Cruz-Angeles ang nasawi na si Mario Castro, isang administrative aide na nakatalaga sa Information Communications Technology Office ng Deputy Executive Secretary for Finance and Accounting.

Ayon kay Cruz-Angeles nagsasagawa ng imbestigasyon ang pulisya upang matukoy ang nangyari.

Nakiramay din ang opisyal sa pamilya ng nasawi.

Nahulog umano si Castro alas-5:50 ng umaga. Isang security guard, na nakarinig ng malakas na kalabog, ang nakakita sa kanya.

Siya ay dinala sa pagamutan kung saan ito binawian ng buhay.