WASHINGTON, D.C.— Dumalo ang mga opisyal ng embahada ng Pilipinas sa Washington D.C. sa paglulunsad ng Foundry School na pinangunahan nina US Vice President J.D. Vance at Secretary of State Marco Rubio sa Donald J. Trump Institute for Peace.

Ang Foundry School ay inisyatiba ng Pax Silica ng administrasyong Trump na nag-uugnay sa mga gobyerno, industriya at akademya upang palakasin ang mga kritikal na supply chain, kakayahan sa industriya at kakayahan ng workforce na nagsusustento sa AI.

Ang Foundry School ay nakabatay rin sa advanced manufacturing curriculum na binuo ng Stanford University at pito pang unibersidad sa Amerika at magkakaroon ng 17 sesyon na ituturo ng mga CEO mula sa mga advanced manufacturing enterprises.

Ang mga lider ng industriya na ito ay kukunin mula sa Estados Unidos at mga kalahok ng Pax Silica, may kaugnayan sa pagtatayo at pagpapatakbo ng isang world-class na negosyo.

Makikipagtulungan ang Foundry School sa mga ekonomiya ng Pax Silica upang lumikha ng mga oportunidad para sa Amerika at mga kasosyo sa mga industriya.

“Bilang isang miyembro ng Pax Silica, tinatanggap ng Pilipinas ang Foundry School bilang isang pagkakataon upang makipagtulungan sa Estados Unidos, kabilang ang AI-native at advanced manufacturing,” sabi ni Philippine Ambassador sa Washington DC na si Jose Manuel G. Romualdez.