Calendar
Taas-noo na ipinakita nina Paul Brandon “Onin” Roque, Finals MVP; at Elijah “Jaja” Cruz, Best Setter ng Hermosa, Bataan ang gold medal na napanalunan nila sa 2025 Palarong Pambansa. Kuha ni Christian Supnad
Gold medal sa ’25 Palarong Pambansa naiuwi ng Hermosa athletes
NAG-uwi ng gintong medalya ang mga pambato ng Hermosa, Bataan na lumaban sa Palarong Pambansa 2025 sa Laoag City, Ilocos Norte.
“Isang masayang pagbati sa mga delegado mula sa bayan ng Hermosa na kabilang sa mga manlalaro ng Region III (CLRAA) Volleyball Secondary Boys na nag-uwi ng gintong medalya sa katatapos lamang na Palarong Pambansa 2025 na ginanap sa Laoag City, Ilocos Norte,” sabi ni Mayor Jopet Inton.
Nanalo ng gold medals sina Paul Brandon “Onin” Roque, Finals MVP; at Elijah “Jaja” Cruz, Best Setter.
Mismong si President Ferdinand Marcos Jr. ang guest of honor at speaker sa 2025 Palarong Pambansa.
Umabot sa 15,760 delegates mula sa iba’t-ibang schools ang dumayo at sumali sa sporting event.
“Salamat sa inyong husay, sipag at dedikasyon sa laro na siyang nagdala sa inyo ng tagumpay at parangal.
Ipinagmamalaki namin kayo, mga kababayan,” ani Mayor Inton.
