GMA Pictures’ “Green Bones” romped off with six awards mula sa Gabi ng Parangal ng 50th Metro Manila Film Festival held at the Theater at Solaire in Paranque City last Friday night, December 27, 2024. Lima naman ang naiuwi ng “The Kingdom” ng MQuest, APT Entertainment and M-Zet Films. Lima rin ang nakuha ng musical movie na “Isang Himala” ng Kapitol Films and Uxs, Inc. , apat sa “My Future You” ng Regal Entertainment, dalawa sa “The Breadwinner Is…” ng Star Cinema and The IdeaFirst Company at tig-isa naman ang “Espantaho” ng Quantum Films, Purple Bunny Productions and Cineko Productions at ang pelikulang “Strange Frequencies: Taiwan Killer Hospital” ng Reality MM Studios and Immerse Entertainment.

Sina Judy Ann Santos ng “Espantaho” at Dennis Trillo ng “Green Bones” ang tinanghal na Best Actress at Best Actor, respectively. Si Ruru Madrid naman ang Best Supporting Actor for “Green Bones” at si Kakki Teodoro ng “Isang Himala” ang nanalong Best Supporting Actress.

Nag-tie bilang Best Director sina Crisanto Aquino ng “My Future You” at Michael `Mike’ Tuviera ng”The Kingdom”. Ang ipinagtataka lamang ng marami ay kung bakit hindi nanalong Best Director si Zig Dulay ng “Green Bones” considering na ito ang nakapag-uwi ng may pinakamaraming awards including Best Picture, Best Actor, Best Supporting Actor, Best Child Actress, Best Screenplay and Best Cinematography.

Naulit ang tagumpay ng GMA Pictures nung isang taon dahil ang kanilang 2023 MMFF entry na “Firefly” ay siya ring tinanghal na Best Picture pero hindi rin nanalo bilang Best Director si Direk Zig.

Masayang-masaya naman ang mag-inang Roselle Monteverte at Atty. Keith Ryan Teo ng Regal Entertainment dahil nakapag-uwi ng apat na awards ang “My Future You” na pinagbidahan nina Francine Diaz at Seth Fedelin at pinamahalaan ng tinanghal na Best Director na si Crisanto Aquino gayundin ang Breakthrough Performance Award for Seth Fedelin.

Ang anim na awards na nakuha ng pelikulang “Green Bones” ay Best Picture, Best Actor, Best Supporting Actor, Best Child Actor, Best Cinematography at Best Screenplay.

Ang limang awards na nasungkit ng “The Kingdom” na pinagbidahan nina Vic Sotto at Piolo Pascual include 2nd Best Picture, Best Director, Best Production Design, Best Visual Effects at Gatpuno Antonio J. Villegas Cultural Award habang lima rin ang naiuwi ng musical movie na “Isang Himala” – 4th Best Picture, Best Supporting Actress, Best Original Theme Song, Best Musical Score at Special Jury Prize.

Dalawang tropeo ang nakuha ng “The Breadwinner Is….” – Special Jury Citation for its lead actor na si Vice Ganda at “Gender Sensitivity Award”.

Tig-isa naman ang nakuha ng pelikulang “Espantaho” – Best Actress for Judy Ann Santos at isa rin ang napanalunan ng “Strange Frequencies: Taiwan Killer Hospital”- Best Sound.

Dalawang award din ang nakamit ng “Toppak” na pinagbidahan nina Arjo Atayde at Julia Montes – Special Jury Prize at Best Float habang Best Float lamang ang nakuha ng “Uninvited” nina Vilma Santos, Aga Muhlach at Nadine Lustre.

Dahil sa limang panalo ng “Isang Himala” at apat sa “My Future You,” inaasahan na maraming tao ang magkaka-interes na panoorin ang dalawang nasabing pelikula at madagdagan pa ng mga sinehan.

Base sa earlier feedback, ang “The Breadwinner Is….” na pinagbibidahan ni Vice Ganda ang nangunguna sa takilya at pumapangalawa rito ang “The Kingdom” nina Vic Sotto at Piolo Pascual, pangatlo ang “Espantaho” nina Judy Ann Santos, Lorna Tolentino at Chanda Romero habang pang-apat naman ang “Uninvited” nina Vilma Santos, Aga Muhlach at Nadine Lustre kasunod ang anim pang entries ng Metro Manila Film Festival.

Ayon sa MMDA at MMFF chairman na si Atty. Don Artes, ang sampung entries ng tumatakbong 50th Metro Manila Film Festival ay among the best entries so far na inaasahan niyang tatangkilikin ng mga manonood.

Ang sampung MMFF entries ay kalahok din sa 2nd Manila International Film Festival in Hollywood, California, USA na magaganap from January 28 – February 2, 2025.

Inaasahan ang paglipad sa Amerika ng mga lead stars, directors and producers ng sampung pelikulang kalahok. The people behind MIFF in Hollywood na pinamumuan ng MIFF chairman na si Omen Ortiz ay magsasagawa rin ng sarili nilang awards night on February 2, 2025 at inaasahan naman ang iba nilang set of winners.

SUBSCRIBE, like, SHARE and press the bell icon of “TicTALK with Aster Amoyo” and “Inside SHOWBIZ, atbp. with Aster Amoyo” on my YouTube channel. Follow me on Instagram and Facebook@asteramoyo and X@aster_amoyo.