Ang daming naaliw sa bagong reel ni Heart Evangelista kung saan ay makikitang nadulas siya habang naglalakad sa kanilang bahay.

Nag-post si Heart ng unboxing video sa kanyang Instagram account para sa ipino-promote niyang smart TV.

Pagkatapos niyang i-unbox ang TV ay tumayo si Heart at parang nagsayaw pa nang bigla siyang madapa at bumagsak sa sahig.

Maririnig nga sa background ang sigawan ng kanyang team na sinaklolohan naman agad siya.

Idinaan na lang sa tawa ni Heart ang pagkakalagapak niya at sinabing okay lang siya.

“Lintik, ah! Bumili kayo ng TV!” natatawang sabi ni Heart sa camera.

“Ganu’n ako ka-excited sa aking Cherry TV!” sey pa niya.

Dumagsa ang reaksyon ng kanyang followers sa comment section at sey nila, ang class pa ring tingnan ni Heart kahit nadapa na.