NAHAHARAP sa kasong robbery-holdup ang isang lalaki makaraang masakote sa Oplan Galugad ng mga operatiba ng Manila Police District – Gandara Police Community Precinct – sakop ng Binondo Police Station 11 ,sa Tomas Pinpin Street, Binondo,Manila, Miyerkoles ng madaling araw

Nakilala ang suspek na si alyas “Jervy”, 35, ng Cabildo Street, Intramuros, Manila.

Batay sa ulat ni Police Lieutenant Colonel Roberto, Mupas station commander, bandang 2:20 ng madaling araw ng Linggo nang maganap ang panghoholdap at pananaksak umano ng suspek sa babaeng biktima sa naturang lugar.

Nauna rito,ilang beses umanong pinaguundayan ng saksak ang biktima habang pilit na kinukuha umano ng suspek ang kanyang IPhone 11.

Nagsagawa ng follow-operation ang mga operatiba ng Gandara PCP sa pamumuno ni Police Major Arnold Echalar na nag-resulta sa pagkakatimbog sa suspek.

Ayon sa unang report ng pulisya, naisugod sa pagamutan ang biktima hangang sa nakauwi at nagpagaling ito. Dahil sa naranasang takot ay hindi na nagsumbong ang biktima sa pulisya.

Kinabukasan na dumulog ang biktima sa pulisya. Sa gallery ay nakilala niya ang suspek.

Narekober ng pulisya ang Iphone 11 ng biktima na lubos ang pasasalamat sa mga otoridad.