NANGANGAMOY na ng matagpuan ang 54-anyos na babae sa 3rd floor ng La Meravigliosa apartment sa Saint Gregory St., Phase 2, Adelina Homes, Brgy. San Carlos, Lipa City noong Biyernes.

Base sa imbestigasyon, kararating lang ni Sarita Limsiaco Geocadin at binisita ang biktimang si alyas Merlyn sa kanyang apartment nang mapansin niyang naka-lock ang pinto at bintana at may masangsang na amoy.

Ilang beses niyang kinatok ang pintuan at bintana subalit walang sumasagot kaya nagpasya siyang humingi ng tulong sa mga opisyal ng barangay.

Nang mabuksan ang pinto, tumambad sa kanila ang nakahandusay na biktima na hubo’t-hubad at wala nang buhay.

May mga mantsa ng dugo sa kanyang pribadong bahagi at kanyang bedsheet.