DINAKIP ng mga pulis ang babae na kukuha nf police clearance pero nabistong may nakabinbin na warrant of arrest para sa kasong qualified theft sa Quezon City.

Ayon kay P/Lt. Col. Joy Leanza, hepe ng Project 4 police station ng Quezon City Police District (QCPD), kukuha sana ng police clearance ang babae pero nabuking na may warrant of arrest sa kasong qualified theft.

Inisyu ang arrest warrant laban sa babae noong Hunyo 2022 dahil sa pagnakaw sa kaniyang dating amo sa Taguig City ng mahigit P90,000.

Para makatakas, nagtrabaho sa salon ang babae sa ibang bansa ng mahigit isang taon at bumalik sa Pilipinas noong Enero 2025

Nakapiit na ang babae pero todo-tanggi pa rin sa ginawang pagnanakaw sa dating amo.