ISANG lalaki na inakusahang paulit-ulit na ginahasa ang kanyang nakababatang kapatid na babae sa loob ng kanilang bahay sa Lungsod ng Olongapo ang naaresto ng mga ahente ng Criminal Investigation and Detection Group (CIDG) ng Philippine National Police noong nakaraang linggo, ayon kay Heneral Nicolas D. Torre nitong Lunes.

Ayon sa opisyal, ang mga miyembro ng CIDG Olongapo City Field Unit, sa tulong ng lokal na pulisya, ay inaresto ang suspek na may alyas na “John” sa Barangay Sta. Rita, batay sa warrant of arrest para sa kasong rape na inisyu ng Olongapo City Family Court, Branch 12 noong Mayo 22.

Batay sa rekord ng korte, sinimulan umano ng suspek ang pang-aabuso sa kanyang noo’y 14-taong-gulang na kapatid noong mga taong 2019 hanggang 2020 sa kanilang tahanan.

Pinuri ni Torre ang CIDG Angeles City Field Unit sa mabilis na pag-aksyon at pagkakaaresto sa akusado.

“Isang araw pa lang matapos mailabas ang warrant, agad ninyong nahuli ang taong ito. Tinutukan ninyo talaga. Sa kanyang pagkakaaresto, natulungan nating makamit ng biktima ang hustisyang nararapat para sa kanya. Maraming salamat sa inyong lahat,” aniya.