ISANG lalake na umano’y dumaranas ng depresyon ang natagpuang patay at hihinihinalang nalunod sa baha sa Sitio Riverside, Brgy. Cawongan, Padre Garcia, Batangas noong Lunes.

Ang biktima ay nakalabas sa likod na pinto ng kanilang bahay.

Natagpuan ang bangkay ng biktima ni Simplecio Icaro Escueta sa bakanteng lote na puno ng tubig at natatakpan ng water lilies.

Ayon kay Mila Uy, ina ng biktima, matagal nang nagdurusa sa depresyon at sakit sa isip ang biktima.

Pumirma ang ina sa waiver bilang pagtalikod sa pagsasagawa ng autopsy sa paniniwalang ang kanyang anak ay namatay dahil sa pagkalunod.