SCIENCE CITY OF MUÑOZ–Kalaboso ang isang lalaki sa siyudad na ito ng mahulihan ng tatlong baril at mga bala sa search operation sa kanyang bahay noong Martes.

Sa ulat kay Nueva Ecija police director Col. Ferdinand Germino, kinilala ang arestadong suspek na si alyas Basyong ng Purok Damayan, Brgy. Balante ng siyudad na ito.

Nasamsam sa operasyon ang tatlong kalibre .45 na baril, isang silencer at mga bala ng kalibre .45, 9mm, kalibre .38 at 12-gauge shotgun.

Inihahanda na ang kasong paglabag sa Republic Act 10591 na isasampa laban sa arestadong suspek.