NATAGPUANG patay ang lalaki noong Sabado sa Quezon City na may tama ng isang bala sa ulo.

Dead-on-arrival sa Quirino Memorial Medical Memorial Center ang 59-anyos na biktima, batay sa report ng Quezon City Police District-Criminal Investigation and Detection Unit (QCPD-CIDU).

Nangyari ang insidente bandang alas-4:50 ng hapon sa bahay ng biktima sa Brgy. East Kamias, Quezon City.

Bago natagpuang duguan, sinabi ng mga kaanak ng biktima na bigla na lamang sila nakarinig ng pagsabog na mula sa kuwarto ng biktima.

Nang kanilang tignan, bumulaga sa kanila ang duguang biktima na may tama ng bala sa ulo habang nasa tabi ang isang baril.

Sa pagsisiyasat ng pulisya, nakita sa cellphone ng biktima ang video recording ng kanyang pagbaril sa ulo.

Nakuha sa crime scene ng Scene of the Crime Operatives (SOCO) team ang 1 cal .38 revolver, 1 fired cartridge at 8 cartridge sa plastic bag.