ARESTADO noong Miyerkules ang 50-anyos na lalaki na pinatay ang kanyang kapitbahay sa pamamagitan ng paghataw ng tubo sa ulo sa Brgy. Sta. Ana Taytay, Rizal.

Todas ang biktima na si alyas Domingo, 75, sa hataw ng suspek na si alyas Romy.

Nangyari ang insidente bandang alas-4:00 ng umaga ng makita ng isang testigo ang suspek na may hawak na tubo at walang habas na pinalo sa ulo ang biktima dahilan upang humandusay at tuluyang masawi.

Naaresto ang suspek at hindi na nakapalag ng damputin at dalhin sa istasyon ng pulisya.

Nag-ugat ang insidente sa matagal na alitan ng biktima at suspek dahil sa basura, ayon sa pulisya.

Nakapiit na sa Taytay custodial facility ang suspek na mahaharap sa kasong murder.