NAKIKIRAMAY ang House of Representatives sa pamilya ng biktimang nasawi sa aksidente na kinasasangkutan ng Toyota Land Cruiser na may nakakabit umanong sticker ng Kamara.

“Kaisa po kami sa kanilang pagdadalamhati sa napakahirap na panahong ito,” ayon kay HoR Secretary General Atty. Cheloy Garafil.

Sa beripikasyon sa mga rekord ng Land Transportation Office (LTO), ang nakarehistrong may-ari ng sasakyan ay hindi miyembro ng Kamara.

Wala ring rekord na nabigyan ang naturang sasakyan ng vehicle pass sa 19th at 20th Congress.

Iniimbestigahan ng mga awtoridad ang insidente upang mabigyang-linaw ang mga pangyayari.

Nananatiling bukas at tapat ang Kapulungan sa usaping ito, ayon kay Garafil.