HINDI na umabot ng buhay sa ospital ang 62-anyos na senior citizen matapos malapitang barilin sa batok sa Magsaysay St., Brgy. 120, Tondo, Manila noong Dec. 24.

Nakilala ang biktima na si Orlando Regarde, 62, at natimbog naman ang suspek na si Jomar Graycochea ng mga tauhan ng Manila Police District- Raxabago Police Station 1.

Sa salaysay ng testigong si Danilo Regarde, nakita pa niya ang biktima sa harap ng sari-sari store bago ang pamamaril.

Bigla na lamang umanong sumulpot ang suspek at traydor na binaril sa batok ang biktima gamit ang hindi pa batid na kalibre ng baril at nakita na lamang ang biktima na nakahandusay na walang malay.