MABINI, Batangas–Pumirma noong Miyerkules sa memorandum of agreement (MOA) ang bayang ito at Department of Education (DepEd) para mapabuti ang mga pasilidad at serbisyong pang-edukasyon.

Ang kasunduan ay bunga ng suporta ni Rep. Gerville “Jinky Bitrics” Luistro ng 2nd district ng Batangas para sa kapakinabangan ng mga mag-aaral sa Bagalangit Elementary School, Mabini Central School, Solo Elementary School at Anselmo Sandoval Memorial National High School.

Pinangunahan ang paglagda nina Mayor Noel “Bitrics” Luistro at DepEd Assistant Secretary for Education Facilities Division Aurelio Paulo Bartolome.

Ang MOU ay hakbang tungo sa mas maayos na pasilidad, mas mahusay na edukasyon at mas magandang kinabukasan ng mga kabataan sa Mabini.