MAHIGIT 50 porsyento ng mga kumuha ng Licensure Examination for Teachers (LET) ang pumasa, ayon sa Professional Regulation Commission (PRC).

Sinabi ng PRC na 8,667 o 50.54 porsyento ng 17,149 examinee para sa LET elementary level ang pumasa.

Sa high school o secondary level, ang pumasa ay 50.48 porsyento o 10,193 sa 20,191 kumuha ng pagsusulit.

Ang LET ay isinagawa noong Hunyo 26 sa 19 na testing centers sa iba’t ibang bahagi ng bansa.