TIKOM ang bibig ng Palasyo ng Malakanyang kung may iba pang miyembro ng gabinete ni Pangulong Ferdinand “Bongbong” Marcos Jr. ang masisibak sa puwesto.

Ayon kay Executive Secretary Lucas Bersamin, mas makabubuting hindi na muna magkomento.

Una nang kumalat ang balita na matapos palitan si Transportation Secretary Jaime Bautista ni incoming Secretary Vince Dizon, susunod naman umano sina Department of Information and Communications Technology Secretary Ivan Uy at Presidential Communications Office Acting Secretary Cesar Chavez.

“Well, I do not know yet how true they are or if there is any basis. But usually, speculations are very, are always there,” pahayag ni Bersamin.

“Hindi naman namin pwedeng sabihin sa inyo unless, until na nangyari na yun because, you know, we do not have compelling reasons . But speculations are ripe. So, we just cannot dignify speculations,” pahayag ni Bersamin.

Una rito, sinabi ni Chavez na magbabakasyon muna siya mula Pebrero 17 hanggang 21.

Tatayong officer-in-charge ng PCO si Senior Undersecretary Emerald Ridao.