LIMAY, Bataan–Inihayag ni Mayor Ritchie Jason David na nagsumite na siya ng certificate of candidacy bilang substitute sa pumanaw niyang ama na si Mayor Nelson David.

“Sa pamumuno ng aking ama, na si Mayor Nelson David at ako, bilang Bise Alkalde, marami tayong proyektong nagbigay ng pag-asa at kaunlaran sa Limay.

Ngayon, bilang inyong Mayor, ipinagpapatuloy ko ang mga hakbang na kanyang isinulong upang higit pang mapaunlad ang ating bayan,” sabi ng batang David.

“Bilang isang anak at lingkod-bayan, hindi ko po kayo bibiguin.

Magsisilbing gabay ko ang mga natutunan ko mula sa aking ama upang mapalago pa ang ating mga inisyatibo sa edukasyon, kalusugan at imprastruktura,” dagdag pa niya.

Sinabi niya na layunin niyang itaguyod ang isang Limay na mas lalong maligaya, mas maunlad at mas matatag. “Ang inyong tiwala at suporta ang magsisilbing gabay sa ating tagumpay,” ayon sa kanya.