MAY bawas-singil ang Manila Electric Company ngayong buwan.

Ayon sa Meralco bababa ng P0.1200 kada kiloWatt hour ang kanilang singil o magiging P10.0630 kada kWh mula sa P10.1830 noong nakaraang buwan.

Nagkakahalaga ito ng P24 sa kabuuang bill ng mga kustomer na kumokonsumo ng 200 kWh kada buwan.

Tumaas ng P0.3553 ang generation charge at naging P6.2277 kada kWh mula sa P5.8724 pero nalusaw umano ito dahil sa refund na ipinatupad ng Meralco.