SINUSPINDE ng Metropolitan Manila Development Authority (MMDA) ang expanded number coding sa Lunes dahil sa inaasahang hagupit ng bagyong Uwan.

Nauna ng inilabas ng Malacañang ang suspensiyon sa lahat ng trabaho sa gobyerno sa Metro Manila na nasa ilalim ng Signal No. 3 at sa siyam na rehiyon sa bansa na inaasahang maapektuhan ng malakas na bagyo.

Nanawagan si MMDA Chairman Atty. Don Artes sa mga motorista na maging maingat sa pagbiyahe at manatiling naka-monitor sa mga ulat sa lagay ng panahon at paglalabas ng iba pang mga abiso.

Sa pahayag ng MMDA Public Information Office (PIO), wala pang inilalabas na abiso ang ahensiya kung sususpendihin ang expanded number coding sa Martes.