INIHARAP kay Manila Mayor Francisco “Isko” Moreno Domagoso ng mga operatiba ng Manila Police District (MPD), sa pamumuno ni Police Major Kevin Rey Bautista, ang nahuling suspek sa kasong pagpatay na natimbog sa Meycauayan, Bulacan makaraang magtago ng mahigit 18 taon.

Kinilala ni Yorme Isko ang suspek na si alyas Ison, 38.

Ayon kay MPD Chief Police Brig.General Benigno Guzman, natimbog ang suspek sa pamumuno ni Major Bautista sa Lim She Ling Avenue sa Meycauayan, Bulacan

Ang nahuling suspek ay isa sa tatlong salarin na itinuturo sa pagpatay sa biktima base sa intel ng Oplan Pagtugis.

Pinuri at pinasalamatan ni Yorme Isko ang mga kapulisan ng MPD sa matagumpay na operasyon.