NAARESTO ng mga pulis-Maynila ang 25-anyos na pedicab driver dahil sa kasong pagpatay noong Linggo sa Malaya St., Brgy. 126, Tondo, Manila.

Hindi na nakapalag ang suspek na si alyas Jako ng dakmain at arestuhin ng mga operatiba ng Manila Police District-Barbosa station.

Ayon sa report ni Police Lieutenant Colonel Arwen Nacional, bandang alas-7:15 ng gabi ng matunton ng mga pulis sa pamumuno ni Police Captain James Dumangas ang suspek na nag-aantay ng pasahero.

Hinuli siya sa bisa ng arrest warrant na inisyu ni Judge Barry Boy Arriola Salvador, Presiding Judge ng Regional Trial Court Branch 185 ng Manila.

Ayon kay Lieutenant Col. Nacional patuloy ang operasyon nila laban sa mga kriminal na nagtatago sa batas.