TIMBOG ang lolo ng mga tauhan ng Ermita Police Station 5 ng Manila Police District matapos kunin ang P80,000 sa bulsa ng kanyang 79-anyos na biktima sa loob ng pampasaherong jeep noong Miyerkules.

Nahuli ang suspek na si alyas lolo Alvin, 61, ayon kay Police Lieutenant Colonel Alfonso Saligumba lll, station commander, bandang alas-10:00 ng umaga habang nakasakay sa jeep ang biktimang si lolo Ernesto.

Pasimple umanong kinuha ng suspek ang pera habang dumadaan sa Padre Burgos Avenue ang jeep.

Noong una’y hindi alam ng matanda na nadukutan siya ng pera pero kinabukasan humingi ng tulong ang biktima kaya nagsagawa ng follow up operation ang mga pulis na nagresulta sa pagkakaaresto sa suspek.

Nabawi lang ang P40,500 sa P80,000 na nanenok ng suspek.