ARESTADO ang lalaki dahil sa kasong panghahalay at kabilang sa most wanted persons sa National Capital Region sa Brgy. Kamuning, Quezon City noong Setyembre 1.

Kinilala ang suspek na 4th Most Wanted Person sa regional level na nahuli sa operasyon ng mga tauhan ng Quezon City Police District-Criminal Investigation and Detection Unit (QCPD-CIDU) katuwang ang Quezon City District Intelligence and Tactical Unit (QCDIT).

Natukoy ang kinaroroonan ng suspek sa Kamuning at naaresto sa bisa ng warrant of arrest dahil sa kasong sexual assault at statutory rape.

Bailable ang kasong sexual assault habang walang inirekomendang piyansa para sa statutory rape.

Dinala ang suspek sa kinauukulang police unit para sa dokumentasyon at kaukulang proseso.