BALIUAG, Bulacan–Arestado ang dalawang lalaking pinaniniwalaang sangkot sa bentahan ng ilegal na droga sa Brgy. Pagala sa bayang ito noong Miyerkules at nasamsam sa kanila ang shabu na umaabot sa P374,000.

Kinilala ang mga suspek na nahuli na sina alyas Apo, 63; at Jerry, 31.

Nakumpiska ng mga awtoridad ang humigit-kumulang 55 gramo ng shabu na nagkakahalaga ng P374,000.

Sasampahan ang dalawa ng kasong paglabag sa RA 9165.