ARESTADO ang isang lalaki matapos manaksak umano ng tao sa harap ng kanyang bahay at nahulihan pa ng shabu na nagkakahalaga ng P374,00 sa Sitio Ferry, Brgy. Kumintang Ibaba, Batangas City noong Martes.

Ayon kay Batangas police director P/Col. Jacinto Malinao Jr., 38-anyos ang biktima na kinilalang si Paolo Carolino Tolentino at residente ng Sitio. Brgy. Kumintang Ibaba.

Kinilala naman ang suspek na si alyas Steve, 30, ang suspek.

Nasa tapat ng kanyang bahay ang biktima na biglang nilapitan ng suspek at biglang pinagsasaksak ng ilang beses sa katawan gamit ang gunting.

Naaresto ang suspek ng mga miyembro ng Batangas City police at doon nakuha sa kanyang pag-iingat ang 55 gramo ng shabu na nagkakahalaga ng P374,000, gunting, pouch at mga heat-sealed plastic sachets.

Sasampahan ng kasong attempted homicide dahil sa pananaksak at paglabag sa Republic Act 9165 (Comprehensive Dangerous Drugs Act of 2002) ang suspek.