OLONGAPO CITY–Dalawang pinaghihinalaang tulak ng ilegal na droga ang naaresto noong Huwebes sa buy-bust at nasamsam ang mahigit P1.16 milyon na halaga ng shabu at high-grade marijuana o Kush sa Brgy West Tapinac ng siyudad na ito.

Sa ulat kay Police Regional Office (PRO)-3 director Brig. Gen. Ponce Rogelio Penones Jr., kinilala ng Olongapo City police ang mga suspek na sina alyas Angas, 39; at Puds, 2.

Isinagawa ang buy-bust sa kanto ng Draper Street at 7th Street ng mga tauhan ng Olongapo City Police Drug Enforcement Unit at nasamsam ang 35 gramo ng shabu na nagkakahalaga ng P238,000; 560 gramo ng high-grade Kush na tinatayang nasa P924,000 at P2,500 marked money.