MALOLOS CITY, Bulacan–Isang babaeng pinaniniwalaang pusher ang nasakote noong Linggo at nahulihan ng halos P3.5 milyon na halaga ng shabu.

Sa ulat ni B/Gen. Rogelio Peñones, Central Luzon police director, kay PNP chief Nicolas Torre, nahuli ang suspek na si alyas Nikko na nagtangkang magbenta ng P3.5 milyon na halaga ng shabu sa Purok 5, Brgy. Tikay, Malolos City, Bulacan.

Nagsagawa ng buy-bust ang mga pulis matapos maging positive ang target, ayon sa report.

Nakumpiska ng mga pulis mula sa suspek sa ang isang piraso ng P1,000 bill, 500.42 gramo ng shabu na may standard price na P3,402,856, isang plastic bag, at isang paper gift wrap.