MAHIGIT P4.7 milyong halaga ng shabu ang nasabat ng mga pulis sa dalawang nahuling drug pusher noong Biyernes sa Caloocan City.

Kumagat sa P10,000 pain ng pulisya ang 30-anyos na suspek habang nagsilbing lookout ang 23-anyos niyang kasama para magbenta ng shabu sa mga tauhan ni Northern Police District (NPD) director P/BGen. Christopher Dela Cruz sa Brgy. 188, North Caloocan.

Nakumpiska ng pulisya sa dalawa ang 701.27 na gramo ng shabu na nagkakahalaga ng P4,768,636 at ang boodle money na ginamit sa buy-bust operation.

Kasong paglabag sa RA9165 (Comprehensive Dangerous Drug Act of 2092) ang isasampa sa mga suspek.