NINAKAWAN ang opisina ng Land Transportation Office (LTO) sa Brgy. San Agustin, Castillejos, Zambales noong Biyernes at natangay ang P70,000.

Sa ulat kay Police Regional Office (PRO)-3 director Brig. Gen. Ponce Rogelio Penones Jr., inireport ang nakawan ni LTO PACD officer Edgardo Batalla.

Ipinadala sa lugar ang mga miyembro ng Castillejos police at lumabas sa intel report na nakapasok ang mga magnanakaw sa pagsira ng aircon unit sa opisina ng LTO chief at saka tinangay ang hindi bababa sa P70,000 halaga ng cash at mahahalagang gamit.