ARESTADO ng mga otoridad ang pinaghihinalaang tulak ng ilegal na droga sa akto na may dalang P816,000 na halaga ng shabu bandang alas-9:25 ng gabi noong Hunyo 5 sa Brgy. Dumuclay, Batangas City.

Nagsagawa ng buy-bust ang Batangas City police na may koordinasyon ng Philippine Drug Enforcement Agency (PDEA) na nagresulta sa pagkakaaresto sa suspek na si alyas Rodjane.

Nasamsam sa pag-iingat ng suspek ang isang OPPO phone box, 120 na gramo ng hinihinalang shabu na may karaniwang presyo na P816,000, P200,000 buy-bust money at isang Yamaha Mio.