BATANGAS–Pinasinayaan ang bulwagan at bust unveiling ni dating alkalde Eduardo Dimacuha sa Colegio ng Lungsod ng Batangas noong Jan. 2.

Pagpupugay sa pagsasakatuparan ng pangarap ng dating alkalde ang pagtatag ng Colegio ng Lungsod ng Batangas (CLB) noong 2006 para mabigyan ng pagkakataong makatapos ng pag-aaral ang mga kapuspalad na estudyante.

Ipinaabot ni Mayor Beverley Dimacuha ang taos-pusong pasasalamat ng kanilang pamilya sa patuloy na pagsuporta ng mga Batangueno sa mga adhikain ng dating mayor.

Binigyang diin ni CLB Administrator Dr. Lorna Gappi na ang Bulwagang EBD simbolo ng pangarap ng dating alkalde para sa edukasyon at pag-unlad ng bawat Batangueño.

Ang CLB ay hindi lamang isang institusyon, kundi isang buhay na alaala ng kanyang dedikasyon dahil ang bawat estudyanteng nakapagtapos dito patunay ng kanyang kabutihan at pagnanais na mag-iwan ng magandang kinabukasan para sa lahat.

Nakiisa din sa nasabing pagtitipon sina Congressman Marvey Marino at dating Mayor Dondon Dimacuha.