HINDI maaaring buksan para sa pre-marking ang selyadong Bureau of Internal Revenue (BIR) box na naglalaman ng tax records ni Vice President Sara Duterte ng walang pahintulot mula sa Senado na nakaupo bilang impeachment court, ayon kay Senate Secretary at impeachment court clerk Renato Bantug Jr.

Ayon kay Bantug, walang kapangyarihan ang pre-trial conference at ang clerk of court na magdesisyon sa mga kahilingang may kinalaman sa selyadong ebidensya.

Ibinigay niya ang pahayag matapos hilingin ng House prosecution panel sa impeachment court na payagan ang pagbubukas ng selyadong BIR box na isinumite sa House justice committee noong impeachment deliberations.

“The pre-trial conference cannot decide on that. As clerk of court, I cannot decide on that,” sari ni Bantug.

Hindi pa niya natatalakay ang usapin kay Senate President Sherwin Gatchalian.

Tungkol sa pre-trial process, bumilis ang document marking matapos magtalaga ng karagdagang team para tumulong sa gawain.

Hindi pa umano tiyak kung matatapos ang marking process pagsapit ng Hunyo 25. Sa Biyernes ang “worst-case scenario,” habang maaaring gamitin ang Sabado para sa housekeeping at court management matters.