Dalawa ang iniulat na biktima sa isang pamamaril na naganap sa loob ng isang pribadong paaralan sa Zamboanga City nitong Martes, Agosto 18.

Kinumpirma ng Police Regional Office 9 (PRO-9) na nangyari ang insidente bandang alas-7 ng umaga sa mismong campus ng paaralan.

Hindi pa malinaw sa ngayon kung kabilang sa mga estudyante ang suspek. Patuloy naman ang imbestigasyon ng Philippine National Police (PNP) upang matukoy ang pagkakakilanlan ng responsable at kung paano nakapasok ang baril sa loob ng paaralan.