Isang Grade 9 student na itinuring na child in conflict with the law (CICL) ang umano’y nag-livestream sa social media habang isinasagawa ang nangyaring pamamaril sa junior high school campus ng Ateneo de Zamboanga University sa Zamboanga City nitong Martes, Agosto 18.

Kinumpirma ito ni Interior Secretary Jonvic Remulla sa panayam sa mga mamamahayag. Ayon sa kalihim, matapos ang insidente, tumalon umano ang estudyante mula sa ikalimang palapag ng isang gusali sa loob ng campus at nasawi.

Samantala, kinumpirma ng pulisya na isang Grade 10 student ang isa pang nasawi sa pamamaril.

Patuloy ang imbestigasyon ng mga awtoridad upang alamin kung paano nakapasok ang baril sa loob ng paaralan at kung ano ang naging motibo sa insidente.