NABUWAG ng mga agents ng Philippine National Police Anti-Cybercrime Group (PNP-ACG) noong Huwebes ang online scam hub located sa isang building sa Malate, Manila at naaresto pa ang 39 na suspek, kasama ang 8 Chinese at Taiwanese national na nasa likod ng cam hub.

Ayon kay PNP-ACG director, Brigadier General Bernard R. Yang, nabuwag ang hub sa pakikipagtulungan sa Philippine Amusement and Gaming Corporation at Securities and Exchange Commission.

Sinabi ng opisyal na highly organized, multi-tiered cyber scam network ang nabuwag nila na bumibiktima ng mga tao sa pamamagitan ng “layered digital wallets” at access devices na mahirap mahalata.

Gumagamit din ang sindikato ang AI-enhanced social engineering tactics para lalong effective ang panloloko nila.

Nasamsam sa raid ang 267 digital evidence na binubuo ng 36 computers at 200 mobile phones.

“This operation supports the directive of Police Lieutenant General Jose Melencio C. Nartatez, Jr., Acting Chief of the Philippine National Police, to ensure the full and effective enforcement of anti-cybercrime laws and the prompt prosecution of offenders,” sabi ni Brig. Gen. Yang.

“This operation underscores our firm commitment to unmasking cybercriminals and protecting the public from online fraud and scam. We urge everyone to remain vigilant and to report any information related to illegal online activities to the nearest PNP ACG office for prompt and appropriate action,” dagdag niya.