Posibleng ikonsidera ng administrasyong Marcos ang pagbabawal sa ilang mararahas na online games kasunod ng naganap na pamamaril sa isang paaralan sa Tacloban City.

Ayon kay Palace Press Officer Undersecretary Claire Castro, bukas si Pangulong Ferdinand R. Marcos Jr. na pag-aralan ang naturang hakbang kung makatutulong ito upang maprotektahan ang mga kabataan at maiwasan ang kahalintulad na insidente.